ਤਨ ਦੇ ਲਈ ਜਰੂਰੀ ਜਿਵੇਂ
ਖਾਣਾ, ਪੌਣ ਤੇ ਪਾਣੀ |
ਮਨ ਦੀ ਸਿਹਤ ਲਈ ਜਰੂਰੀ
ਢਾਈ ਘੰਟੇ ਗੁਰਬਾਣੀ ||
ਦਿੱਲੀ ਕਦੇ ਇੰਦੌਰ ਚ ਜਾਂਦੀ
ਨਿੱਤ ਆਬਰੂ ਲੂੱਟੀ |
ਤਾਂਹੀਓ ਹਰ ਕੋਈ ਮੁੰਡਾ ਚਾਹੁੰਦਾ
ਨਹੀ ਜੰਮਦੇ ਧੀ ਰਾਣੀ ||
ਭਰੀ ਸਭਾ ਦੇ ਵਿਚ ਦ੍ਰੋਪਦੀ
ਬੇ-ਪਰਦਾ ਸੀ ਹੋਈ |
ਕਿੰਨੇ ਜੁਗ ਬਦਲਗੇ,ਔਰਤ
ਤੇਰੀ ਓਹੀ ਕਹਾਣੀ ||
ਹੁਣ ਤਾਂ ਸੋਹਲ ਕਲੀਆਂ ਨੂੰ ਵੀ
ਕੰਡੇ ਪਏ ਝਰੀਟਣ |
ਅੱਖਾਂ ਮੀਟ ਕੇ ਸੁੱਤੀ ਇਹ
ਸਰਕਾਰ ਕਿਉਂ ਖ਼ਸਮਾਂਖਾਣੀ ||
ਲੱਚਰ ਗੀਤਾਂ ਨੇ ਤਾਂ ਸਾਡਾ
ਸਭਿਆਚਾਰ ਮੁਕਾਇਆ |
‘ਸੈਣੀ’ ਮਾਂ ਬੋਲੀ ਸਾਡੀ ਡੁੱਬ ਗੀ
ਸਿਰ ਤੋਂ ਲੰਘ ਗਿਆ ਪਾਣੀ ||
No comments:
Post a Comment